У Арлоўскай вобласці Расіі беспілотнік атакаваў нафтабазу
Нафтабаза ў Арлоўскай вобласці / "Вести-Орел"
Выбух адбыўся гэтай ноччу ў Арлоўскай вобласці Расіі — беспілотнік атакаваў нафтабазу ў сяле Стальной Конь. Пра гэта паведаміў Арлоўскі губернатар Андрэй Клычкоў. Пацярпелых, па яго словах, няма. На месцы працуюць аператыўныя службы. Ніякіх іншых падрабязнасцяў — у прыватнасці, каму належаў робат — Клычкоў не паведаміў.
Нафтабаза знаходзіцца прыкладна ў 170 км ад мяжы з Украінай. Арлоўская вобласць мяжуе з Белгародскай вобласцю, якая перыядычна падпадае пад абстрэлы. Толькі ўчора ў горадзе Шабекіна загінулі тры чалавекі — два памерлі на месцы, яшчэ адна пажылая жанчына памерла пазней у аперацыйнай у бальніцы. У клініцы застаюцца яшчэ двое пацярпелых. Адзін з іх знаходзіцца ў рэанімацыі ў цяжкім стане.
