У Кіеве паветраную трывогу абвяшчалі 11 разоў за суткі
Наступствы расійскай атакі / ДСНС Украіны
У ноч на 28 жніўня дроны атакавалі некалькі рэгіёнаў Расіі. У Яраслаўлі, як паведамляюць СМІ, атакаваны НПЗ "Слаўнафта — ЯНОС".
У акупаваным Севастопалі ад удару беспілотніка, як паведамляецца, пацярпеў пяціпавярховы шматкватэрны дом. А ад выбуховай хвалі атрымалі пашкоджанні два корпусы дзіцячага садка.
Расіяне атакавалі Украіну дронамі і ракетамі. Як перадае hromadske.ua, па Сумах увечары 27 жніўня былі нанесеныя восем удараў кіраванымі авіябомбамі (КАБамі). З-пад завалаў разбураных жылых дамоў даставалі людзей. Вядома прынамсі пра трох параненых.
У Кіеве і Кіеўскай вобласці паветраная трывога абвяшчалася 11 разоў і сумарна доўжылася больш за 14 гадзін. Ратавальнікі вымушаныя былі працаваць пад пастаяннай прыцэльнай пагрозай — налічылі 13 паўторных удараў.
Паведамляецца пра пажары складскіх будынкаў, аўтамабіляў, пашкоджаны шматкватэрны жылы дом — выбуховай хваляй выбітыя вокны.
