У апошні дзень лета ў Беларусі вырас курс долара

У чацвер, 31 жніўня, на Беларускай валютна-фондавай біржы прайшлі чарговыя таргі. Па іх выніках Нацбанк вызначыў новыя курсы валют. Курс долара ЗША вырас — з 1,9335 да 1,9353 беларускага рубля, курс еўра знізіўся — з 2,3108 да 2,2994. За 100 расійскіх рублёў сёння даюць 3,3056 беларускага (у сераду — 3,2932).

Беларускі рубель аслабеў да кошыка валют на 0,11%.

Як інфармавала Еўрарадыё, у сераду, 30 жніўня, курс долара ЗША вырас — з 1,9236 да 1,9335, курс еўра знізіўся — з 2,3143 да 2,3108 беларускага рубля.