У Анкары хуткасны цягнік сутыкнуўся з лакаматывам, ёсць загінулыя і параненыя

У Анкары хуткасны цягнік сышоў з рэек і сутыкнуўся з лакаматывам, які правяраў тэхнічны стан чыгункі. Загінулі 9 чалавек (сярод іх — трое машыністаў цягніка), амаль паўсотні параненыя (трое з іх — у цяжкім стане). Трагічнае здарэнне адбылося ў 6:30 раніцы на станцыі Маршандзіс, у васьмі кіламетрах ад цэнтральнага вакзала. Там ён не мусіў спыняцца, інфармуе "Бі-Бі-Сі".

Вядома, што хуткасны цягнік накіроўваўся з Анкары ў горад Конья.