У Албаніі Ціханоўскай паказалі, як у часы дыктатуры катавалі іншадумцаў
У Албаніі Святлане Ціханоўскай паказалі, як у часы дыктатуры катавалі іншадумцаў. Беларускі палітык, на запрашэнне прэм'ера, наведала музей албанскіх спецслужбаў. У экспазіцыі дэманструецца, як праслухоўвалі грамадзян, сачылі за імі, як адбываліся допыты і катаванні. "Наколькі гэта падобна на тое, што адбываецца цяпер у Беларусі", — зазначае прэс-служба Ціханоўскай.
У Тыране Святлана Ціханоўская пабывала на "віле дыктатара". "Апошняя дыктатура Еўропы" таксама згіне, і ў нас у Беларусі будзе такі музей", — піша яна.
Падчас візіту ў Албанію Ціханоўская сустрэлася з прэм'ер-міністрам і прэзідэнтам гэтай краіны. Прэс-служба палітыка падкрэслівае, што яе "сустракалі як лідара дзяржавы".
In Tirana, I had a chance to visit the former villa of the dictator. Dictators enjoy their lives while people live in oppression. The "last dictatorship of Europe" will also fall, and we will have such a museum in Belarus. There is no place for dictatorship in Europe. pic.twitter.com/7bZHwSOMsF
— Sviatlana Tsikhanouskaya (@Tsihanouskaya) September 30, 2021
