У акупаваным Мелітопалі ў расійскай краме прадаюць беларускія прадукты
У расійскім супермаркеце "Мера" ў акупаваным Мелітопалі (Украіна) заўважылі ў продажы беларускія прадукты, піша ria-m.tv.
У прыватнасці, там прадаецца беларускі цукар з Жабінкі. Таксама на відэа з супермаркета можна заўважыць алкаголь, выпушчаны ў Беларусі.
На другім паверсе крамы, як пішуць украінскія журналісты, знайшлася прадукцыя, якой да акупацыі гандляваў украінскі супермаркет АТБ. Сярод іншага — спіртное, якое АТБ не распрадаў у сувязі з забаронай на гандаль алкаголем.
