У Аб’яднаных Арабскіх Эміратах наладзілі самае маштабнае лазернае шоу (відэа)
![У Аб’яднаных Арабскіх Эміратах наладзілі самае маштабнае лазернае шоу (відэа)](/sites/default/files/styles/gallery_main/public/2023-08/2017-12-31t205059z_1884048908_rc1173067a00_rtrmadp_3_new-year-uae.jpg.webp?itok=XLQTsEs0)
У Аб’яднаных Арабскіх Эміратах у горадзе Дубай наладзілі самае маштабнае лазернае шоу. Яно замяніла традыцыйны святочны феерверк і патрапіць у кнігу рэкордаў Гінэса.
За некалькі секунд да Новага года быў запушчаны адлік, а пасля дзясяткі тысяч гледачоў назіралі на працягу 7 хвілін каля вежы Бурдж Халіфа (самага высокага збудавання ў свеце) лазерныя праекцыі, якія суправаджаліся музыкай. Іх памер склаў больш за 109 тысяч квадратных метраў (папярэдні рэкорд быў зафіксаваны ў 2013-м у Ганконгу — больш за 46 тысяч квадратных метраў), інфармуе сайт ria.ru.