Тры чалавекі ў Брэсце атруціліся парамі хімічнага рэчыва
![Хуткая дапамога](/sites/default/files/styles/gallery_main/public/2024-05/chutkaja-0605.jpg.webp?itok=a29_cUx1)
Хуткая дапамога / Еўрарадыё
У Брэсце трох мясцовых жыхароў 16 чэрвеня шпіталізавалі ў рэанімацыю з прыкметамі атручвання парамі хімічнага рэчыва, паведамляе прэс-служба МНС.
Дзяжурная служба МНС атрымала паведамленне каля 22:45. Ратавальнікаў прасілі дапамагчы дастаць трох чалавек з склепа гаража на вуліцы Адраджэння.
Яны дасталі на свежае паветра і перадалі медыкам дзвюх жанчын сямідзесяці і пяцідзесяці аднаго года, а таксама 52-гадовага мужчыну. Усе яны мелі прыкметы "інгаляцыйнага атручвання парамі хімічнага рэчыва".
Прычыны здарэння высвятляюцца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.