Вы тут

Трох музыкаў гурта Irdorath асудзілі на 1,5 года калоніі агульнага рэжыму

Музыкі гурта Irdorath асуджаныя на 1,5 года калоніі 

Па 1,5 года калоніі агульнага рэжыму атрымалі паводле прысуду музыкі Пятро Марчанка, Юлія Марчанка і Антон Шніп з гурта Irdorath, паведамляе Беларуская рада культуры. Такі тэрмін пакарання для ўсіх прасіў і пракурор. 

Музыкаў затрымалі разам з сябрамі 2 жніўня падчас святкавання дня нараджэння. Нагодай стаў іх удзел у вулічных маршах, дзе музыкі гралі і спявалі. Іх абвінавацілі ва ўдзеле і арганізацыі мерапрыемстваў, што груба парушаюць грамадскі парадак (арт. 342 КК).  

Дарэчы, два тыдні таму лідары гурта Надзея і Уладзімір Калачы былі асуджаныя на два гады калоніі. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.