Традыцыйны Будслаўскі фэст пройдзе сёлета 1-2 ліпеня
![Традыцыйны Будслаўскі фэст пройдзе сёлета 1-2 ліпеня](/sites/default/files/styles/gallery_main/public/2023-08/kostel_11_05.jpg.webp?itok=Bn6-eb4w)
1-2 ліпеня ў Будславе адбудзецца традыцыйны фэст у гонар Маці Божай Будслаўскай. План святкавання быў зацверджаны на пленарным пасяджэнні Канферэнцыі каталіцкіх біскупаў Беларусі 24 траўня, паведамляе сайт catholic.by.
Сёлета дэвіз фэсту будзе гучаць так: "Каралева супакою, маліся за нас".
Падрабязную праграму ўрачыстасцяў абяцаюць апублікаваць пазней.
Фэст у мястэчку Будслаў на Мядзельшчыне традыцыйна ладзіцца на пачатку ліпеня. Тут знаходзіцца адна з самых шанаваных каталіцкіх святыняў у Беларусі — Будслаўскі абраз Божай Маці. Касцёл Ушэсця Найсвяцейшай Панны Марыі мае тытул малой базылікі, а свята ўнесенае ў Спіс нематэрыяльнай культурнай спадчыны чалавецтва ЮНЕСКА.
У 2021 годзе ў касцёле здарыўся вялізны пажар. Грошы на рэстаўрацыю касцёла збіралі ўсёй краінай. І хаця працы ў храме яшчэ працягваюцца, напрыканцы снежня ён зноў быў адкрыты для вернікаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.