Вы тут

Таварышы па службе палкоўніка са "справы Скрыпалёў": Чапіга лічыўся блатным

Скрыншот Youtube

Пасля апублікавання версіі The Insider і Bellingcat пра тое, што "салсберыйскі турыст" Руслан Башыраў, адзін з падазраваных у замаху на экс-палкоўніка ГРУ Сяргея Скрыпаля, — гэта палкоўнік ГРУ Анатоль Чапіга, "Новай газеце" ўдалося адшукаць трох былых салдат і афіцэраў, якія на пачатку 2000-х праходзілі службу ў 282-м атрадзе спецназа, які дыслакуецца ў Матвееўцы, прыгарадзе Хабараўска. Менавіта ў гэтую частку ў жніўні 2001-га прыбыў для праходжання службы лейтэнант Анатоль Чапіга, з які адзнакай скончыў Далёкаўсходняе вышэйшае агульнавайсковае каманднае вучылішча (ДВОКУ). Усе трое папрасілі не называць імёнаў — невядома, што з таго, што яны кажуць, з'яўляецца разгалошваннем дзяржаўнай таямніцы.

"Башыраў, з якім размаўляла Сіманьян, — гэта не Башыраў, а Анатоль Чапіга. Знешне ён змяніўся, але голас Башырава — гэта голас Толі", — заявіў адзін з трох былых таварышаў па службе Чапігі па в/ч 20662.

Двое іншых ветэранаў 282-га атрада спецназа не ўпэўненыя, што Башыраў і Чапіга — гэта адзін і той жа чалавек. Праўда, удакладняю, яны не бачылі Чапігу з 2006 года, калі з Хабараўска яго, да таго часу ўжо капітана, перавялі ў Маскву.

"Пасля заканчэння вучылішча Чапігу накіравалі для праходжання службы ў штаб 14-й брыгады спецназа ў Усурыйск. А ўжо ў штабе брыгады ён атрымаў прадпісанне аб накіраванні ў Хабараўск, у наш атрад, дзе быў прызначаны камандзірам разведгрупы", — распавёў адзін з суразмоўцаў.

"У яго быў нейкі сваяк — вялікая шышка ў адміністрацыі Хабараўскага краю. Ён і пахадайнічаў за Толю, каб яго накіравалі ў Хабараўск, — дадаў адзін з былых таварышаў па службе. — Чапіга лічыўся "блатным", з ім нават камандзір атрада палкоўнік Бернікаў размаўляў падкрэслена ветліва".

І гэта пры тым, што Віталь Анатолевіч Бернікаў быў аўтарытэтным і паважаным афіцэрам.

У лютым 2004 года палкоўнік Бернікаў быў зацверджаны адным з давераных асобаў кандыдата ў прэзідэнты Расіі Уладзіміра Пуціна. Цяпер ён ужо на пенсіі.

Палкоўнік Віталь Бернікаў. Фота з асабістага архіва / Аднакласнікі

"Званне Герой Расіі Чапігу прысвоілі за Крым, — распавёў "Новай" выпускнік ДВОКУ, былы калега Чапігі па атрадзе. — На стэле ля помніка Ракасоўскаму ў вучылішчы выбітыя імёны выпускнікоў, якія атрымалі званне Героя — там ёсць Чапіга і палкоўнік Аляксандр Папоў, выпускнік ДВОКУ 1995 году (каб не дапусціць пагалосак — гэта дакладна не Аляксандар Пятроў з Солсберы. — Рэд.). Чапігу і Папову званне Героя Расіі было прысвоенае адным закрытым ўказам прэзідэнта і менавіта за Крым. Папоў тады камандаваў зводным атрадам спецназа, а Чапіга тады быў яшчэ падпалкоўнікам. Праўда, не магу нават выказаць здагадку, чым канкрэтна Чапіга займаўся ў Крыме.

 

Ён жа быў з "батанікам" -букваедам, з выдатнікаў ў вучобе, але вельмі пасрэдны афіцэр для "палявой" працы”.

Мемарыял Герояў Расіі з імёнамі Чапігі і Папова

Суразмоўцы "Новай" назвалі тры ключавыя спецаперацыі ў Крыме ў лютым 2014 года.

Захоп будынка Савета міністраў Крыма

Захоп аэрадрома Бельбек

Раззбраенне брыгады марской пяхоты арміі Украіны ў Феадосіі.

Усе тры аперацыі былі праведзеныя без кровапраліцця, за што Папоў і Чапіга і былі ўдастоеныя званняў Героя Расіі.

Па звестках нашых суразмоўцаў, у ваенную акадэмію МА Расіі Анатоль Чапіга паступіў ужо пасля Крыма, летам 2014 года.