Сённяшняя залева ў Мінску, верагодна, самая моцная за ўсю гісторыю назіранняў
Залева ў Мінску / "Мінск-Навіны"
Выглядае на тое, што сённяшняя залева ў Мінску — самая магутная за ўвесь час метэаназіранняў. Як піша тг-канал nadvorie, на метэастанцыі Уручча зафіксавалі 51 мм ападкаў, на праспекце Незалежнасці — 88 мм.
Адзін міліметр пласта ападкаў роўны аднаму літру вады на квадратны метр паверхні.
Папярэдні рэкорд па ападках у беларускай сталіцы быў 8 жніўня 2005 года — тады выпала 77,5 мм.
Залева, якая абрынулася на Мінск 18 ліпеня, затапіла многія вуліцы, на шэрагу маршрутаў спыніўся грамадскі транспарт. У выніку залевы ў горадзе ўтварыліся дзесяцібальныя заторы.
