Сёння ў "калідоры смерці" у Беларусі знаходзіцца чатыры чалавекі
![Сёння ў "калідоры смерці" у Беларусі знаходзіцца чатыры чалавекі](/sites/default/files/styles/gallery_main/public/2023-08/smiarotnaja_kara.jpg.webp?itok=kzS0OiP-)
На сёння ў "калідоры смерці" у Беларусі знаходзіцца чатыры чалавекі. У кожнага з іх смяротны прысуд набыў моц, яны могуць быць расстраляныя ў любы момант. Па словах Сашы Кулаевай, кіраўніцы аддзела Усходняй Еўропы і Цэнтральнай Азіі Міжнароднай федэрацыі правоў чалавека, на шляху мараторыя на смяротнае пакаранне ў Беларусі стаіць "нядобрая палітычная воля", якая на ўсіх узроўнях: ад абмеркавання праблемы ў грамадстве да вынясення канкрэтных судовых прысудаў.
"Для адмены смяротнага пакарання рэферэндум не патрабуецца. Яно можа быць адмененая рашэннем Аляксандра Лукашэнкі", — кажа праваабаронца.
5 кастрычніка ў Мінску праходзіць прэзентацыя даклада "Смяротнае пакаранне ў Беларусі: забойствы на (не)законных падставах". Мерапрыемства дае старт тыдню супраць смяротнага пакарання, які пройдзе з 5 па 10 кастрычніка.
Сёлета тыдзень прысвечаны падвышэнню дасведчанасці грамадзянаў аб прымяненні смяротнага пакарання за злачынствы, звязаныя з тэрарыстычнай дзейнасцю. Слоган тыдня: "Пакаранне — гэта не выйсце".