Сёння адзначаецца Міжнародны дзень барацьбы з наркаманіяй
Ён быў заснаваны Генеральнай асамблеяй Арганізацыі Аб'яднаных Нацый у 1987 годзе і адзначаецца ў многіх краінах свету.
Імклівы распаўсюд наркотыкаў разглядаецца ААН як сапраўднае бедства, якое правакуе негатыўныя наступствы — ад дэмаграфічнай катастрофы да крыміналізацыі эканомікі, сацыяльнага і палітычнага серадовішча. Арганізацыя Аб'яднаных Нацый спрабуе стаць калектыўным арганізатарам і ідэолагам антынаркатычнай барацьбы.
Дарэчы, паводле апошніх дадзеных, у Мінску налічваецца не менш за 15 тысяч нарказалежных. Менш за палову з іх знаходзяцца на наркалагічным уліку. 80% ва ўзросце да 30 гадоў, амаль усе астатнія — да 20 гадоў.
