Супрацоўнікі Мінабароны Францыі загінулі падчас авіякатастрофы на Мальце
Пяць чалавек загінулі падчас авіякатастрофы на Мальце, сярод іх — трое супрацоўнікаў Мінабароны Францыі. Здарэнне адбылося раніцай 24 кастрычніка. Лёгкаматорны самалёт упаў на зямлю неўзабаве пасля ўзлёту ў аэрапорце Мальты.
Як паведамляе "Бі-Бі-Сі", паводле задання Мінабароны Францыі, самалёт мусіў здзейсніць назіральны палёт над Міжземным морам у рамках праграмы па барацьбе з незаконным абаротам наркотыкаў і гандлем людзьмі.
З часоў Другой сусветнай вайны такіх сур'ёзных авіякатастроф у аэрапорце Мальты не было.
