Супраць футбалістаў Какорына і Мамаева пачалі крымінальную справу аб хуліганстве

Як паведамляла Еўрарадыё, раніцай 8 кастрычніка Какорын і Мамаеў збілі кіроўцу легкавога аўтамабіля, прыпаркаванага каля маскоўскай гасцініцы "Пекін". Ён аказаўся беларусам Віталём Салаўчуком, кіроўцам тэлевядучай Першага канала Вольгі Ушаковай. Праз гадзіну футбалісты напалі ў кавярні на федэральных чыноўнікаў Дзяніса Пака (кіраўніка дэпартамента Мінпрамгандлю) і Сяргей Гайсіна (гендырэктара прадпрыемства, якое распрацавала прэзідэнцкі лімузін Aurus). Адвакат Пака выключыў магчымасць дамовіцца ў дасудовым парадку.

Аляксандр Какорын — нападаючы піцерскага "Зеніта", Павел Мамаеў — паўабаронца "Краснадара". Абодва ў мінулым былі гульцамі зборнай Расіі. Клубы ўжо разглядаюць варыянты датэрміновага скасавання кантрактаў з футбалістамі-хуліганамі.