Вы тут

Сухі: рабі сваю справу якасна на карысць Бацькаўшчыны, а па выніку і сябе

Дзяніс Сухі / Марыя Вайтовіч, Еўрарадыё

30 ліпеня госць Еўрарадыё — дудар, музыка, майстар па вырабе музычных інструментаў Дзяніс Сухі.

Цікавасць да традыцыйных народных інструментаў вяртаецца. Прычым размова ідзе не толькі пра музыкантаў ці, да прыкладу, навукоўцаў, што займаюцца фальклорам. Нечаканую цікавасць да дуды і жаданне навучыцца граць на ёй сталі выказваць шараговыя беларусы. Шмат айцішнікаў замаўляюць у яго дуду, кажа Дзяніс Сухі. І гэта не можа не радаваць. Бо дуда, як і шмат іншых старадаўніх беларускіх прылад альбо традыцый, фактычна забытыя. Але цяпер паступова беларусы вяртаюцца да сваіх нацыянальных каштоўнасцяў, кажа музыка.

Пра тое, як з дапамогай дуды “прачысціць мазгі” беларусам і вярнуць ім разуменне перавагі нацыянальных каштоўнасцяў над навязанымі нам звонку, мы і разважаем у чарговым выпуску "Ідэі Х" з Дзянісам Сухім.

Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.

Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.

Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?

На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.

Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы. 

Праграма выходзіць штотыдзень у чацвер у 14:00. 

Партнёры праграмы — крама з нацыянальным каларытам Symbal.by і грамадская кампанія "Годна"

Папярэднія выпускі праграмы "Ідэя Х" можна глядзець тут: 

Нацыянальная ідэя

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.