Суд у Нідэрландах вырашыў, што "скіфскае золата" вернецца ва Украіну

Вярхоўны суд Нідэрландаў пакінуў у сіле папярэдняе рашэнне нідэрландскага суда, які пастанавіў вярнуць калекцыю "скіфскага золата" з крымскіх музеяў на падкантрольную ўкраінскаму ўраду тэрыторыю, а не ў часова акупаваны Расіяй Крым, паведамляе Reuters.

Калекцыю прывезлі з крымскіх музеяў на выставу ў Амстэрдам яшчэ да акупацыі Крыма расійскімі войскамі. У ёй 565 музейных экспанатаў. Яшчэ ў 2016-м акруговы суд Амстэрдама вырашыў вярнуць калекцыю на падкантрольную ўкраінскаму ўраду тэрыторыю. Але прадстаўнікі крымскіх музеяў звярнуліся ў апеляцыйны суд, які восенню 2021-га пацвердзіў рашэнне. У пачатку 2022-га тыя ж крымскія музеі яшчэ падалі касацыйную скаргу.

Згодна з Канвенцыяй ЮНЕСКА, мастацкія каштоўнасці павінны вярнуць суверэннай дзяржаве, якая дала іх для часовай экспазіцыі.