Суд у Маскве арыштаваў Аляксея Кудзіна на 2 месяцы

У Беларусі Аляксея Кудзіна абвінавачваюць па артыкуле "Супраціўленне супрацоўніку органаў унутраных спраў" (арт. 363 КК), яму пагражае да 5 гадоў пазбаўлення волі. У жніўні 2020-га ён удзельнічаў у пратэстах у Маладзечне, меў сутычкі з сілавікамі. Пазней яго жорстка затрымлівалі, спартсмен быў пад адміністрацыйным арыштам, быў аштрафаваны. Пасля гэтага стала вядома пра крымінальную справу.

У лістападзе Кудзін не прыйшоў у суд, яго аб'явілі ў вышук. Высветлілася, што яму ўдалося выехаць за мяжу — два месяцы ён жыў у сябра ў Маскве. У Маладзечне ў Аляксея Кудзіна засталася сям'я.

У абарону Кудзіна выступілі сотні беларускіх і расійскіх спартсменаў.