Суд Партызанскага раёна Мінска аштрафаваў і адпусціў кіраўніка Партыі БНФ
Старшыня Партыі БНФ Рыгор Кастусёў атрымаў штраф за ўдзел у акцыях пратэсту супраць забаўляльнага комплексу " Поедем поедим" ля Курапатаў. Пра гэта Еўрарадыё паведаміў намеснік кіраўніка партыі Аляксей Янукевіч. Ён сказаў, што абарона Курапатаў абышлася палітыку прыкладна ў 700 рублёў.
Нагадаем, што Рыгор Кастусёў быў затрыманы ў аўторак раніцай, 3 ліпеня, па дарозе ў мінскі аэрапорт. Ён накіроўваўся ў Варшаву, каб узяць удзел у пасяджэнні міжнароднай камісіі сейма Польшчы.
