Суд аштрафаваў палітвязня Дашкевіча на 1 мільён 860 тысяч рублёў
Суд аштрафаваў палітвязня Змітра Дашкевіча на 1 мільён 860 тысяч рублёў (60 базавых велічынь). Ён прайшоў 9 лістапада ў шклоўскай калоніі, дзе адбывае паўтарагадовы тэрмін моладзевы лідэр. На суд былі дапушчаныя толькі адвакат і прадстаўнікі АБСЕ. Нагадаем, Дашкевіча абвінавацілі ў адмове ад давання паказанняў. Летам палітвязень катэгарычна адмовіўся сведчыць супраць сяброў з “Маладога фронту”. Паводле гэтага артыкула моладзевы лідэр мог атрымаць паўгода турмы.
Адвакат Дашкевіча Аляксандр Галіеў распавёў "Еўрарадыё" пра тое, якога пакарання патрабаваў для палітвязня пракурор:
“Пракурор спачатку патрабаваў 100 базавых велічынь штрафу, у выніку прызначылі 60”.
Былы палітвязень Павел Севярынец, які ў складзе групы падтрымкі прысутнічаў каля будынка калоніі, у інтэрв’ю Еўрарадыё выказаў меркаванне, што на прысуд паўплывала пазіцыя Еўропы. Таму на волю Дашкевіч мусіць выйсці ўжо 15 сакавіка наступнага года.
Адвакат Дашкевіча Аляксандр Галіеў распавёў "Еўрарадыё" пра тое, якога пакарання патрабаваў для палітвязня пракурор:
“Пракурор спачатку патрабаваў 100 базавых велічынь штрафу, у выніку прызначылі 60”.
Былы палітвязень Павел Севярынец, які ў складзе групы падтрымкі прысутнічаў каля будынка калоніі, у інтэрв’ю Еўрарадыё выказаў меркаванне, што на прысуд паўплывала пазіцыя Еўропы. Таму на волю Дашкевіч мусіць выйсці ўжо 15 сакавіка наступнага года.
