Суд адправіў пратакол журналіста Рамана Васюковіча "на дапрацоўку" ў міліцыю
![Суд адправіў пратакол журналіста Рамана Васюковіча "на дапрацоўку" ў міліцыю](/sites/default/files/styles/gallery_main/public/2023-08/rvasiuk.jpg.webp?itok=regGehzW)
Кастрычніцкі суд Мінска адправіў пратакол журналіста Рамана Васюковіча "на дапрацоўку" ў міліцыю. Справа разглядалася 19 сакавіка. У журналіста, які вяртаўся з Украіны, у багажы знайшлі некалькі асобнікаў кнігі "Беларускі Данбас" Кацярыны Андрэевай і Ігара Ільяша. Судзілі за перавозку "экстрэмісцкай прадукцыі", якая яшчэ не прызнана экстрэмісцкай (суд па прызнанні кнігі экстрэмісцкай прызначаны на 26 сакавіка).
Суддзя вырашыў Рамана Васюковіча пакуль не караць. За захоўванне і перавозку "інфармацыйнай прадукцыі, якая змяшчае заклікі да экстрэмісцкай дзейнасці ці прапагандуе такую дзейнасць" Васюковічу пагражае штраф — да 1450 рублёў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.