Студэнты з Гродна прывезлі Лукашэнку ікону Мікалая Цудатворца (фота)

Студэнты Гродзенскага дзяржуніверсітэта імя Янкі Купалы прывезлі Аляксандру Лукашэнку ікону Мікалая Цудатворца. Яна ўпрыгожаная бурштынам, жэмчугам і кабашонамі з каштоўных і паўкаштоўных камянёў. Як інфармуе БЕЛТА, вырабіла ікону выпускніца філалагічнага факультэта Вераніка Біжака.

Некалькі дзясяткаў студэнтаў прыехалі ў Палац Незалежнасці ў Мінску на запрашэнне кіраўніка дзяржавы, які наведаў Гродзенскі ўніверсітэт імя Янкі Купалы ў кастрычніку.