Студэнт з Віцебску гандляваў зброяй, каб аплаціць навучанне

Такім гандлем студэнт Віцебскага дзяржаўнага тэхналагічнага ўніверсітэта займаўся восем месяцаў. За гэты час юнак прадаў свой спецыфічны тавар тромстам пакупнікам, піша "Комсомольская правда в Беларуси". А потым ён трапіў пад увагу падатковай інспекцыі. Падчас кантрольнага закупу інспектар купіў у хлопца газавы пісталет, шарыкі для страляння і газавыя балончыкі.

Выявілася, што такім чынам хлопец зарабляў грошы на вучобу, бо паступіць на бюджэтнае аддзяленне ў яго не атрымалася. За час сваёй незаконнай прадпрымальніцкай дзейнасці ён зарабіў каля пяцідзесяці мільёнаў рублёў. Дарэчы, увесь тавар ён купляў у адным з гандлёвых цэнтраў Віцебску. Юнак рабіў нацэнку ў 30% і выстаўляў на продаж. Кліентаў, якім было лянота самастойна пашукаць "пнеўматыку" і газавыя балончыкі, знайшлося нямала.

Маладога чалавека аштрафавалі на 4 мільёны рублёў і канфіскавалі тавар.

Фота з  сацыяльных сетак