Статыстыка на 12 ліпеня: у Беларусі ад COVID-19 ізноў памерлі пяць чалавек
![Статыстыка на 12 ліпеня: у Беларусі ад COVID-19 ізноў памерлі пяць чалавек](/sites/default/files/styles/gallery_main/public/2023-08/podtverzhdyonnyh_sluchaev_covid-19_v_sutki_3.png.webp?itok=N9ziQb1f)
На раніцу 12 ліпеня ў Беларусі пацверджаныя 64932 выпадкі COVID-19. +165 выпадкаў за апошнія 24 гадзіны. Колькасць новых выпадкаў каранавіруснай інфекцыі чацвёрты дзень запар трымаецца ніжэй за 200.
Па статыстыцы Мінздароўя, выпісана з лякарняў 55380 пацыентаў, у якіх была пацверджаная каранавірусная інфекцыя (+461). З іх 54916 паправіліся (+456). 464 пацыенты з выяўленым COVID-19 памерлі (+5).
Калі верыць Мінздароўя, за суткі ў Беларусі зроблена 11495 тэстаў на каранавірусную інфекцыю. Агулам з пачатку пандэміі праведзеныя 1134653 аналізы на COVID-19.
Адсотак тэстаў, якія паказалі новыя выпадкі COVID-19 за апошнія 24 гадзіны, — 1,44%. Нам не паведамляюць, колькі з 11485 тэстаў планава і па запатрабаванні робіцца медыкам і сілавікам, колькі — паўторна пацыентам з пацверджаным COVID-19, і колькі — людзям з падазрэннем на каранавірусную інфекцыю.
![Статыстыка на 12 ліпеня: у Беларусі ад COVID-19 ізноў памерлі пяць чалавек](/sites/default/files/paragraphs/image/temprostavssdelannyetesty_17.png)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.