Стартаваў праект па стварэнні еўрапейскай сістэмы супрацьпаветранай абароны
![Iris-T на абароне Еўропы / dw.com](/sites/default/files/styles/gallery_main/public/2023-08/63423142_1006.jpg.webp?itok=r4dqhMWK)
Iris-T на абароне Еўропы / dw.com
13 кастрычніка ў Бруселі прадстаўнікі 15 краін падпісалі дэкларацыю пра намер стварыць супрацьпаветраны шчыт — European Sky Shield. Такім чынам, запускаецца праект еўрапейскай сістэмы супрацьпаветранай абароны. Ён мусіць абараняць неба Еўропы. А для гэтага трэба аб'яднаць розныя сістэмы СПА для знішчэння балістычных і крылатых ракет, а таксама баявых беспілотнікаў, піша @dw_belarus.
European Sky Shield рэалізуецца на фоне масіраваных расійскіх ракетных атак па Украіне. Трэба "закрыць праломы ў супрацьпаветранай абароне" Еўропы, заявіла міністр абароны Германіі Крысціна Ламбрэхт.
Плануецца выкарыстаць нямецкія Iris-T. Адна з такіх сістэм СПА нядаўна была пастаўлена ва Украіну. Ламбрэхт спадзяецца, што ўдасца паставіць на абарону Еўропы і больш дасканалыя сістэмы.
Сумесную дэкларацыю падпісалі Германія, Вялікабрытанія, Славакія, Нарвегія, Латвія, Венгрыя, Балгарыя, Бельгія, Чэхія, Фінляндыя, Літва, Нідэрланды, Румынія і Славенія. Чакаецца далучэнне і Эстоніі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.