Вы тут

Старшыня Бабруйскага райсавета дэпутатаў выпала з акна

Людміла Крычко / "Трыбуна працы"

Старшыню Бабруйскага раённага Савета дэпутатаў Людмілу Крычко ў мінулыя выходныя шпіталізавалі ў цяжкім стане. Жанчына выпала з акна сваёй кватэры на чацвёртым паверсе, піша TUT.by.

Паводле неафіцыйнай інфармацыі, жанчына са шматлікімі траўмамі і пераломамі знаходзіцца ў штучнай коме. 

Начальніца аддзела арганізацыйна-кадравай работы Бабруйскага райвыканкама Вольга Худакова пацвердзіла журналістам, што старшыня райсавета з панядзелка знаходзіцца на бальнічным.

Сястра Людмілы Крычко ад каментароў адмовілася.

Намеснік Крычко Аляксандр Атрохаў заявіў журналістам, што 16 чэрвеня склаў з сябе паўнамоцтвы намесніка старшыні Бабруйскага райсавета. Пасля шпіталізацыі ён фактычна пастаўлены перад неабходнасцю кіраваць райсаветам. Пры гэтым Атрохаў узначальвае ААТ "Неўскі-Агра". Сумясціць гэтыя пасады ён не можа: у гаспадарцы ідзе нарыхтоўка кармоў. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.