Стала вядома, як будзе выглядаць новая станцыя мінскага метро
![Станцыя метро "Пярэспа" / @minskoemetro](/sites/default/files/styles/gallery_main/public/2023-08/perrespa_21_08.jpg.webp?itok=N6NXcvSg)
Станцыя метро "Пярэспа" / @minskoemetro
Упершыню ў афармленні станцыі мінскага метро будзе выкарыстаны бетон. Ён з'явіцца на станцыі "Пярэспа", паведамілі ў Мінскім метрапалітэне. Гаворка ідзе пра станцыю на скрыжаванні праспекта Машэрава і вуліцы Крапоткіна.
"Магчымасць паказаць першапачатковую прыгажосць матэрыялу ў спалучэнні са святлокаляровым акцэнтаваннем дазволіць стварыць сучасны, выразны інтэр'ер з дапамогай універсальных прыёмаў адразу для некалькіх станцый", — гаворыцца ў паведамленні метрапалітэна. Раней, нагадаем, у абліцоўванні сцен выкарыстоўваўся пераважна мармур. Паведамляецца таксама, што станцыя "Пярэспа" будзе вытрыманая ў сіне-бірузовай каляровай гаме.
На тарцах платформы плануецца размясціць графічныя палотны — яны будуць надрукаваныя на шкле. У цэнтры на столі хочуць размясціць зіхоткую дэкаратыўную кампазіцыю.
Нагадаем, "Пярэспа" — адна са станцый трэцяй, Зеленалужскай, лініі Мінскага метрапалітэна. Ужо пабудаваныя і выкарыстоўваюцца чатыры станцыі ("Кавальская Слабада", "Вакзальная", "Плошча Францішка Багушэвіча", "Юбілейная плошча"). Наступныя чатыры станцыі ("Прафсаюзная", "Пярэспа", "Камароўская"і "Парк Дружбы Народаў") плануюць пабудаваць да 2028-2029 года.
![Стало известно, как будет выглядеть новая станция минского метро](/sites/default/files/styles/default_image_paragraph/public/paragraphs/image/perrespa1_21_08.jpg.webp?itok=gTJmW7TC)
![Стало известно, как будет выглядеть новая станция минского метро](/sites/default/files/styles/default_image_paragraph/public/paragraphs/image/perrespa2_21_08.jpg.webp?itok=knNBe-lc)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.