Стала вядомая самая папулярная вуліца ў Беларусі

Стала вядомая самая папулярная вуліца ў Беларусі. Як інфармуе сайт sb.by са спасылкай на аддзел геаінфармацыйных сістэм Нацыянальнага кадастравага агенцтва Дзяржкамітэта па маёмасці, вуліцы Цэнтральныя сустракаюцца ў населеных пунктах нашай краіны часцей за астатнія. Рэйтынг складаўся па дадзеных адзінай базы па адрасах. Цэнтральныя вуліцы ёсць у 5056 населеных пунктах (агулам у нашай краіне іх 23 320, у тым ліку 115 гарадоў). На другім месцы — Маладзёжныя вуліцы, якіх налічваецца 2 166, на трэцім — Садовыя вуліцы, іх 2 165.