Стала менш бялізны: новыя нормы забеспячэння дзяцей, чые маці цяпер у калоніі
![Што змянілася ў нормах забеспячэння рэчамі малых? / Еўрарадыё](/sites/default/files/styles/gallery_main/public/2023-08/dsc_1515_1.jpg.webp?itok=9k-cQ19s)
Што змянілася ў нормах забеспячэння рэчамі малых? / Еўрарадыё
24 верасня на беларускім Нацыянальным прававым інтэрнэт-партале апублікавалі новыя нормы ад МУС па "забеспячэнні адзеннем і абуткам дзяцей, мяккім інвентаром дамоў дзіцяці папраўчых устаноў".
Змены ў дзяржзабеспячэнні закрануць тых дзяцей, чые маці адбываюць пакаранне ў гомельскай жаночай калоніі №4: малыя ва ўзросце да чатырох гадоў знаходзяцца ў Доме дзіцяці, размешчаным на тэрыторыі папраўчай установы.
Еўрарадыё параўнала дакументы 2006 і 2021 гадоў. Цяпер колькасць рэчаў па некаторых нормах забеспячэння скарацілі, у некаторых дадалі, а нейкія найменні і зусім прыбралі.
Чаго стане менш?
У 2006 годзе ў Доме дзіцяці маглі знаходзіцца дзеці да трох гадоў, цяпер — да чатырох. У 2021 годзе ў раздзелах "Бялізна сподняя і пасцельная" і "Пасцельныя рэчы" рэзкае скарачэнне колькасці рэчаў па большасці пунктаў. Тэрмін службы рэчаў пры гэтым амаль не мяняецца.
![Стало меньше белья: новые нормы обеспечения детей, чьи матери сейчас в колонии](/sites/default/files/paragraphs/image/sokrashcheniespoyasneniem.png)
Некаторыя рэчы са спіса і зусім прыбралі: напрыклад, колькасць летніх і цёплых пялёнак скарацілі і аб'ядналі ў адзін пункт. У табліцы стала менш дзіцячых прасцін, навалочак, падкоўдранікаў, дзіцячых ручнікоў махровых і лазневых. Зменшылася колькасць дзіцячых матрацаў, хусцінак і каптурыкаў.
![Стало меньше белья: новые нормы обеспечения детей, чьи матери сейчас в колонии](/sites/default/files/paragraphs/image/poslepervogoskrina.png)
Дадалі курткі і туфлі
Таксама чыноўнікі вырашылі павялічыць на некалькі пунктаў норму па адзенні. Не па кожным з узростаў і не кожнае найменне, але ўсё ж.
![Стало меньше белья: новые нормы обеспечения детей, чьи матери сейчас в колонии](/sites/default/files/paragraphs/image/kostyumyyyy.png)
Азнаёміцца з поўным пералікам абноўленых нормаў, якія датычацца дзяцей з Дома дзіцяці, можна тут. Таксама 24 верасня на pravo.by апублікавалі змененыя нормы забеспячэння грамадзян, якія знаходзяцца ў ЛПП. Абнавіліся і Правілы ўнутранага распарадку следчых ізалятараў крымінальна-выканаўчай сістэмы МУС.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.