Смалянчук: салідарнасць усіх беларусаў — самая важная ідэя для нас сёння
22 сакавіка ў эфіры Еўрарадыё — доктар гістарычных навук Алесь Смалянчук.
Гісторыя беларускага супраціву вельмі багатая, але і мае шмат маладаследаваных старонак. Сёння нам варта было б звярнуцца да момантаў супраціву ў XX стагоддзі. Трэба вяртаць людзей у гэтую “камунікатыўную памяць”, памяць пакаленняў, перакананы Алесь Смалянчук. І звяртаць увагу на тое, што насамрэч у беларусаў не было непрыняцця беларусізацыі, якая ішла побач са змаганнем за свабоду і правы беларусаў.
Пра тое, чаму важна ведаць гісторыю Беларусі і найперш гісторыю беларускага супраціву, ці трэба сёння, калі беларусы чарговы раз змагаюцца за сваю свабоду і правы чалавека, патрабаваць “беларускасці” ад удзельнікаў гэтай барацьбы, мы і разважаем у праграме “Ідэя Х” з Алесем Смаленчуком.
Набыць кнігу "Беларуская нацыянальная ідэя" (PDF) можна тут
Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.
Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.
Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?
На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.
Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.
Праграма выходзіць штотыдзень у панядзелак і чацвер у 14:00.
Партнёры праграмы — крама з нацыянальным каларытам Symbal.by і грамадская кампанія "Годна".
Папярэднія выпускі праграмы "Ідэя Х" можна глядзець тут:
Нацыянальная ідэя
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
