СК расследуе 46 спраў за размяшчэнне ў інтэрнэце персанальных звестак сілавікоў
Следчы камітэт Беларусі расследуе 46 крымінальных спраў за размяшчэне ў інтэрнэце персанальных звестак сілавікоў. Такую лічбу ў інтэрв'ю "Гродзенскай праўдзе" назваў начальнік упраўлення Следчага камітэта па Гродзенскай вобласці палкоўнік юстыцыі Эдуард Маліноўскі. Па яго словах, па Гродзеншчыне лічацца сем такіх спраў.
Максімальнае пакаранне, якое пагражае за гэта, — да пяці гадоў пазбаўлення волі плюс штраф.
Таксама Маліноўскі паведаміў, што следчыя Гродзеншчыны расследуюць 36 крымінальных спраў па абразах прадстаўнікоў улады і сілавых структур.
Дарэчы, прадстаўнік Следчага камітэта паскардзіўся журналістам: "Дагэтуль у месенджарах і публічных чатах працягваюць фіксавацца факты размяшчэння інфармацыі, звязанай з пратэстнай дзейнасцю".
