Вы тут

Сілавікі правядуць вучэнні па "спыненні масавых беспарадкаў"

Беларускія сілавікі ў 2020-м / Еўрарадыё

Міністэрства ўнутраных спраў анансавала вучэнні па "спыненні масавых беспарадкаў". Яны пройдуць на гэтым тыдні, паведамляе прэс-служба ведамства.

Праводзіць вучэнні будуць з удзелам падраздзяленняў АМАП, САХР, злучэнняў і вайсковых часцей унутраных войскаў.

"Плануецца адпрацаваць пытанні забеспячэння аховы грамадскага парадку, спынення масавых беспарадкаў, а таксама пытанні і тактычныя дзеянні па ліквідацыі груп тэрарыстаў, экстрэмісцкіх груповак і ўзброеных злачынцаў", — гаворыцца ў паведамленні прэс-службы.

У МУС спаслаліся на нядаўнія падзеі ў Казахстане і заявілі, што адпрацоўваць трэба "розныя сцэнары развіцця сітуацый".

Дарэчы, цяпер Беларусь і Расія праводзяць раптоўную праверку сіл і сродкаў рэагавання Саюзнай дзяржавы. На люты таксама запланаваныя беларуска-расійскія вайсковыя вучэнні "Саюзная рашучасць-2022".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.