Швейцарыя пашырыла спіс санкцый супраць афіцыйнага Мінска
Швейцарыя пашырыла санкцыі супраць рэжыму Аляксандра Лукашэнкі.
На сайце Дзяржаўнага сакратарыяту эканамічных пытанняў 20 снежня апублікавалі імены 17 фізічных і назвы 11 юрыдычных асобаў, якія маюць дачыненне да рэжыму.
У гэты спіс увайшлі "Белавія", турфірмы "Цэнтркурорт" і "Оскартур", гатэлі "Планета" і "Мінск", прадпрыемствы "Гродна Азот", "Хімвалакно", "Беларуснафта", "Белшына", Асобная служба аператыўных мерапрыемстваў (АСАМ).
Як няцяжка заўважыць, гэтыя прадпрыемствы нядаўна трапілі ў санкцыйны спіс Еўрасаюза.
