Што рабіць, калі з табой сябруе толькі Кім Чэн Ын — #ІхНоравы

12/09/2023 - 14:42

Кароткі агляд сусветных навін і адна парада пра тое, што зрабіць са сваім беларускім пашпартам проста цяпер

Кароткі агляд сусветных навін і адна парада пра тое, што зрабіць са сваім беларускім пашпартам проста цяпер / калаж Улада Рубанава, Еўрарадыё

Эд Шыран уварваўся на вяселле незнаёмцаў, праспяваў новую песню і паставіў подпіс у пасведчанні аб шлюбе як сведка. А вы кажаце, у свеце не адбываецца нічога добрага!

Добрыя і іншыя міжнародныя навіны, якія трэба ведаць, каб падтрымаць размову ў бары, — у нашым штодзённым аглядзе.

Калі няма з кім сустрэцца і нікуды не можаш паехаць

Часам нібыта і хочацца некуды паехаць, але з усіх краін для цябе адкрытая толькі Расія. Так бывае, калі ты кіруеш Паўночнай Карэяй. Лідар КНДР Кім Чэн Ын сеў у свой знакаміты браніраваны цягнік і адправіўся на сустрэчу з Уладзімірам Пуціным на Далёкі Усход. Гэта першая замежная паездка Кіма за 4 гады.

Мінулым разам ён выязджаў з КНДР 4 гады таму — і таксама для таго, каб убачыцца з Пуціным.

Мяркуецца, што Крэмль хоча купіць у Пхеньяна зброю. А КНДР патрэбна ежа — і, магчыма, трохі тэхналогій для развіцця сваёй ядзернай праграмы.

Сам жа Дутэртэ пайшоў у адстаўку ў чэрвені 2022 года, і яму пагражае гаагскі суд.

"Гэта перамога <...> для ўсіх, хто захаваў веру ў тое, што свабодная і адказная прэса ўмацоўвае дэмакратыю", — напісаў сайт Rappler пасля апраўдання Марыі Рэсы.

Але калі тыран адыходзіць, усё толькі пачынаецца. Прэса кажа, што пасля таго, як Дутэртэ пакінуў сваю пасаду, у сацсетках узмацніліся нападкі на філіпінскіх журналістаў і грамадскіх дзеячаў. Паводле яе, дэзынфармацыя — гэта ўжо не проста тролінг у сацсетках. Распаўсюд фэйкавых навін зламаў самі пошукавыя алгарытмы.

Закон суровы, але яго можна перапісаць

У Ізраілі ўсе 15 суддзяў Вярхоўнага суда збяруцца, каб прыняць рашэнне па петыцыі, якая тычыцца іх уласных правоў. Ізраільцяне, якія падпісалі петыцыю, патрабуюць у суддзяў не дазваляць ураду абмежаваць іх, суддзяў, у правах.

Цяпер у Ізраілі кіруе нацыяналістычная кааліцыя, якую ўзначальвае Беньямін Нетаньяху. І израільцяне ўжо некалькі месяцаў пратэстуюць супраць яго спрэчнай судовай рэформы.

Адно з самых скандальных палажэнняў якраз звязанае з забаронай суддзям блакаваць дзеянні і прызначэнні ўрада. Прэм'ер кажа, што рэформа неабходная, каб абараніць дэмакратыю. Яго апаненты кажуць, што гэтая рэформа дэмакратыю разбурыць.

Цяпер вырашаць будзе Вярхоўны суд, але, здаецца, што б ён ні вырашыў, наперадзе вялікія праблемы. Вырашаць якія, магчыма, будуць на вуліцы.

Члены ўрада Нетаньяху пагражаюць, што калі суддзі прагаласуюць супраць іх, то яны проста праігнаруюць іх рашэнне. А гэта можа прывесці да канстытуцыйнага крызісу.

Што рабіць, калі ваш беларускі пашпарт хутка скончыцца

Навіны пра турыстаў, якія надакучылі таму ці іншаму гораду, прыходзяць усё часцей. Але Венецыя пачала скардзіцца да таго, як усе астатнія таксама стаміліся ад турыстаў. А з наступнага года за ўваход або ўезд у горад давядзецца плаціць 5 еўра ў дзень.

Усе госці горада, старэйшыя за 14 гадоў, павінны будуць загадзя браніраваць свой білет у горад. Але гаворка ідзе толькі пра тых турыстаў, якія прыязджаюць усяго на дзень. Калі вы плануеце пераначаваць у Венецыі, плаціць не трэба.

Что делать, если с тобой дружит только Ким Чен Ын — #ИхНравы

Венецыя / pixabay

Пакуль што плата за аднадзённы тур у Венецыю ўводзіцца эксперыментальна і толькі на час пікавых паводле папулярнасці ў турыстаў месяцаў. Так што не чакайце — браніруйце квіткі цяпер. Ці не браніруйце — пяці еўра, якія з вас возьмуць у наступным годзе, Венецыя дакладна вартая (эмігранты, выкарыстоўвайце свой пакуль яшчэ не пратэрмінаваны беларускі пашпарт напоўніцу).

Калі хочацца нечага новенькага

Пакуль бізнесмены-пачаткоўцы інвестуюць у IT, Біл Гейтс уклаў мільёны ў піва. Спачатку ён купіў акцыі Heineken за 900 млн долараў, а цяпер дакупіў яшчэ трохі акцый Anheuser Busch — на 95 млн долараў.

Пры гэтым ён не прыхільнік піва. Неяк Гейтс пісаў, што можа дазволіць сабе трохі светлага на бейсбольным матчы — але на гэтым усё. Так што Гейтсу відавочна проста хочацца нечага новенькага. Даўншыфтынг па-мільярдэрску.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.