Шматгадзінныя пералёты з Мінска ў Стамбул і Сочы зробяцца крыху карацейшымі
![Нацыянальны аэрапорт "Мінск" / @belavia_official](/sites/default/files/styles/gallery_main/public/2023-08/belavia_4_07.jpg.webp?itok=44iuPyVr)
Нацыянальны аэрапорт "Мінск" / @belavia_official
Пералёты з Мінска ў Стамбул, Сочы і Ерэван зробяцца крыху карацейшымі. Расавіяцыя дазволіла Belavia лётаць на поўдзень праз Валгаград і Астрахань, расказалі ў прэс-службе нацыянальнага перавозчыка. Дагэтуль самалёты Belavia абляталі поўдзень Расіі праз ваенныя дзеянні ва Украіне праз Казахстан.
Апошнія паўгода час у дарозе да Стамбула быў 5 гадзін 45 хвілін (а да вайны — 2,5 гадзіны). Са змяншэннем тэрыторыі аблёту час у дарозе скароціцца да 5 гадзін.
Пералёт з Мінска ў Сочы зробіцца карацейшым на 25 хвілін, але ў дарозе ўсё роўна давядзецца правесці каля 4 гадзін, з Мінска ў Ерэван — на паўгадзіны. Зваротныя рэйсы зрабіліся карацейшымі ў сярэднім на 15 хвілін, адзначылі ў Belavia.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.