Шматдзетнага бацьку затрымалі за фота перамяшчэння вайсковай тэхнікі
![Антываенны мітынг у Варшаве, фота ілюстрацыйнае / Euroradio](/sites/default/files/styles/gallery_main/public/2023-08/photo_2022-02-27_22-00-30_2_0.jpg.webp?itok=y_1B5wE4)
Антываенны мітынг у Варшаве, фота ілюстрацыйнае / Euroradio
Берасцейца затрымалі за здымак перамяшчэння вайсковай тэхнікі. Фатаграфіяй мужчына падзяліўся ў адным з чатаў.
Вядома, што мужчына жыве ў Брэсце і працуе інжынерам-энергетыкам. У яго трое дзяцей.
Сілавікі запісалі відэа, у якім берасцеец тлумачыць: у момант, калі ён зрабіў фота, у яго былі асцярогі, што Беларусь далучыцца да вайны Расіі ва Украіне.
Паводле звестак праваабаронцаў "Вясны", усяго за праяву антываеннай пазіцыі было затрымана не менш за 1630 беларусаў і беларусак. З іх 79 чалавек асуджаныя па крымінальных справах на тэрміны ад 1 да 23 гадоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.