Шасцігадовы хлопчык загінуў пад коламі трактара ў Лёзненскім раёне

Шасцігадовы хлопчык загінуў пад коламі трактара ў Лёзненскім раёне

Трагічнае здарэнне адбылася ў Лёзненскім раёне Віцебскай вобласці. Шасцігадовы хлопчык трапіў пад колы трактара, а кіроўца гэтага нават не заўважыў.

Пазней трактарыст распавёў, што перад працай наведаўся да сястры жонкі. Яе сыны прасіліся праехацца разам да фермы, але ён адмовіў. 

Шасцігадовы хлопчык загінуў пад коламі трактара ў Лёзненскім раёне
Скрыншот з сюжэта СТБ

Праз некалькі хвілінаў яму патэлефанавалі сваякі і сказалі, што малодшы з хлопчыкаў ўсё ж ухапіўся за кормараздатчык. Спыніўшыся, мужчына агледзеў прычэп, але дзіцяці на ім не было. Тады ён вярнуўся па тым жа маршруце і ўбачыў на збочыне цела.

Зараз ДАІ разбіраецца ў тым, ці мог кіроўца ўбачыць хлопчыка, які ў апошні момант заскочыў на трактар.

Шасцігадовы хлопчык загінуў пад коламі трактара ў Лёзненскім раёне

"Па факце гібелі дзіцяці распачатая крымінальная справа, праводзіцца праверка. Удакладняюцца ўсе нюансы — ці вінаваты кіроўца, што не ўбачыў, што на транспартным сродку знаходзіцца дзіця", — распавядае ў эфіры тэлеканала СТБ старшы інспектар ДАІ Станіслаў Салавей.

Праваахоўнікі нагадваюць, што ў дні летніх вакацый бацькі павінны быць як ніколі ўважлівымі да дзяцей. Не варта пакідаць іх без нагляду, асабліва побач з дарогамі, аўтатранспартам і тэхнікай.

Апошнія навіны

Галоўнае

Выбар рэдакцыі