Вы тут

Сейм Польшчы зацвердзіў праект агароджы на мяжы з Беларуссю за $414 мільёнаў

Польскія памежнікі на мяжы з Беларуссю / twitter.com/Straz_Graniczna

14 кастрычніка Сейм Польшчы зацвердзіў праект закона пра збудаванне агароджы на мяжы з Беларуссю. Гэта сродак абароны ад нелегальнай міграцыі. Як адзначае ТАСС, за дакумент прагаласавалі 274 дэпутаты, супраць — 174.

Будаўніцтва агароджы абыйдзецца бюджэту Польшчы ў 1,615 мільярда злотых (каля 414 мільёнаў долараў). Прычым 115 мільёнаў злотых з гэтай сумы будуць выдаткаваныя на тэхнічнае абсталяванне. 

Польска-беларуская мяжа цягнецца на 418 км. Мінабароны Польшчы яшчэ ў сярэдзіне верасня пачало на мяжы будаўніцтва плота з калючага дроту вышынёй 2,5 метра. Вайскоўцы паспелі паставіць дрот больш як на 80 км, а агулам запланавана паставіць яго на 180-190 км.

З тэрыорыі Беларусі на тэрыторыю Польшчы з пачатку жніўня спрабавалі нелегальна перайсці больш за 16 тысяч мігрантаў. Большасць такіх спробаў памежнікі прадухілілі, больш за 1800 нелегальных мігрантаў былі затрыманыя.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.