Сельгаспрадпрыемствы не прадаставілі транспарт сілавікам, будуць суды
![У пачатку чэрвеня на некаторых дарогах Гомельшчыны з'явіліся блокпасты / ТРК "Гомель" ](/sites/default/files/styles/gallery_main/public/2023-08/Traktar.jpg.webp?itok=sG9OQauf)
У пачатку чэрвеня на некаторых дарогах Гомельшчыны з'явіліся блокпасты / ТРК "Гомель"
У Гомельскай вобласці два сельгаспрадпрыемствы не змаглі прадаставіць свой транспарт сілавікам. Іх чакаюць суды, піша "Флагшток".
Разгляд адміністрацыйных спраў прызначаны на 27 чэрвеня. Артыкул — "Невыкананне ваенна-транспартных абавязкаў". Фігуранты спраў — дырэктар сельгаспрадпрыемства "Рагінь" з Буда-Кашалёўскага раёна Уладзімір Цытрыкаў і ААТ "Майсееўка" з Кастрычніцкага раёна. Дырэктару пагражае штраф у памеры 30 базавых велічынь (гэта 1110 рублёў), а прадпрыемству — 300 базавых (11100 рублёў).
Мяркуецца, што тэхніка сельгаспрадпрыемстваў спатрэбілася сілавікам у пачатку чэрвеня, калі ў Гомельскай вобласці праходзілі "антытэрарыстычныя вучэнні". На некаторых дарогах з'явіліся блокпасты.
![Сельгаспрадпрыемствы не прадаставілі транспарт сілавікам, будуць суды](/sites/default/files/styles/default_image_paragraph/public/paragraphs/image/22_70.jpg.webp?itok=arj956Wt)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.