СБУ заявіла, што выкрыла здрадніка, які працаваў на спецслужбы Беларусі
![Затрыманы / ssu.gov.ua](/sites/default/files/styles/gallery_main/public/2023-08/ZS.jpg.webp?itok=BCWgvtVs)
Затрыманы / ssu.gov.ua
СБУ заявіла, што напрыканцы мінулага года выкрыла і затрымала ў выніку спецаперацыі здрадніка, які працаваў на спецслужбы Беларусі. Мужчына "збіраў разведаныя пра Сілы абароны ў памежных раёнах паўночнай Украіны". Ён жыў на Чарнігаўшчыне і арганізаваў канал перапраўкі праз мяжу ўкраінскіх грамадзян, якія ўцякалі ад прызыву ў войска.
З паведамлення СБУ вынікае, што спачатку затрыманага збіраліся прыцягнуць да адказнасці за перапраўку людзей праз мяжу, але пасля выявіліся "новыя факты злачыннай дзейнасці", а менавіта — "разведвальна-падрыўная дзейнасць" на карысць суседняй дзяржавы. Агента цікавіла не толькі размяшчэнне і перасоўванне ўкраінскіх вайсковых часцей, але і месца жыхарства іх каманднага складу. Сабраныя звесткі збіраўся перадаць праз аднаго з уцекачоў ад прызыву.
Беларускага агента абвінавачваюць у "здрадзе дзяржаве", незаконным абыходжанні са зброяй і боепрыпасамі, а таксама ў арганізацыі незаконнай перапраўкі людзей праз дзяржаўную мяжу.
![СБУ заявіла, што выкрыла здрадніка, які працаваў на спецслужбы Беларусі](/sites/default/files/styles/default_image_paragraph/public/paragraphs/image/121_2.jpg.webp?itok=5-XNbggi)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.