Савет бяспекі пачаў праверку Узброеных сіл Беларусі
Беларускія вайскоўцы / прэс-служба Мінабароны, ілюстрацыйнае фота
Дзяржсакратарыят Савета бяспекі Беларусі пачаў 11 кастрычніка праверку Узброеных сілаў. Гэта робіцца ў адпаведнасці з даручэннем Аляксандра Лукашэнкі, паведамляе прэс-служба Мінабароны.
Праверка мае "комплексны характар і ахоплівае найбольш важныя пытанні праверкі гатоўнасці да выканання задач па прызначэнні".
Паведамляецца, што вайсковыя часці і падраздзяленні падчас праверкі "адпрацуюць пытанні прывядзення ў баявую гатоўнасць, здзяйсненне маршу, разгортванне ў прызначаных раёнах з выкананнем вучэбна-баявых задач".
Напярэдадні Лукашэнка паведаміў, што на заходніх рубяжах разгортваецца сумесная рэгіянальная групоўка войскаў Беларуі і Расіі.
