Сапернікі мінскага "Дынама" — "Вільярэал", "Вікторыя" і "Рапід"
Лёсаванне групавога раўнда футбольнай Лігі Еўропы прайшло ў пятніцу ў Манака.
У пятніцу, 28 жніўня, у Манака прайшло лёсаванне групавога раўнда футбольнай Лігі Еўропы. Мінскае "Дынама" трапіла ў групу "Е". Яго сапернікі — "Вільярэал" (Іспанія), "Вікторыя" (Плзень, Чэхія), "Рапід" (Аўстрыя).
Матчы групавога раўнда прайдуць з 17 верасня да 10 снежня. У плэй-оф выйдуць дзве лепшыя каманды групы.
Склад іншых груп наступны:
Група "A": Аякс (Галандыя), Селтык (Шатландыя), Фенербахчэ (Турцыя), Молдэ (Нарвегія);
Група "B": Рубін (Расія), Ліверпуль (Англія), Бардо (Францыя), Сьён (Швейцарыя);
Група "C": Барусія (Дортмунд, Германія), ПАОК (Грецыя), Краснадар (Расія), Габала (Азербайджан);
Група "D": Напалі (Італія), Брюге (Бельгія), Легія (Варшава, Польшча), Мідцюланд (Данія);
Група "F": Марсель (Францыя), Брага (Партугалія), Слован (Чехія), Гронінген (Галандыя);
Група "G": Дняпро (Украіна), Лацыё (Італія), Сент-Эцьен (Францыя), Русенборг (Нарвегія);
Група "H": Спортынг (Партугалія), Бешыкташ (Турцыя), Лакаматыў (Расія), Скендэрбеў (Албанія);
Група "I": Базель (Швейцарыя), Фіярэнціна (Італія), Лех (Польшча), Белененсеш (Партугалія);
Група "J": Татэнхэм (Англія), Андэрлехт (Бельгія), Манака (Францыя), Карабах (Азербайджан);
Група "K": Шальке 04 (Германія), АПОЭЛ (Кіпр), Спарта (Прага, Чехія), Астэрас (Грэцыя);
Група "L": Атлетык (Іспанія), АЗ (Галандыя), Аўгсбург (Германія), Партызан (Сербія).
.Фота: http://dinamo-minsk.by