Сабака зацягнуў пад аўтамабіль, які рухаўся, васьмігадовага хлопчыка
Здарэнне адбылося ў панядзелак у Смаргоні.
Маці гуляла па вуліцы са сваімі малымі сынамі. Малодшага яна везла ў калясцы, старэйшы ішоў побач і вёў на павадку сабаку. У нейкі момант сабака рвануў убок і пацягнуў за сабой хлопчыка. Жывёла праскочыла, а дзіця трапіла пад легкавік, які праязджаў па дарозе.
Як адзначае прэс-служба ДАІ Гродзенскай вобласці, на шчасце, хуткасць аўтамабіля была невялікая, і кіроўца паспеў зрэагаваць. Гэта выратавала жыццё хлопчыку. З атрыманымі пераломамі яго шпіталізавалі ў бальніцу.
Фота — ria.ru