РФ дазволіла выдаць беларуса, за якога заступаўся Камітэт па правах чалавека ААН
![Андрэй Рускіх / фота з сацсетак Андрэя Рускіх](/sites/default/files/styles/gallery_main/public/2023-08/russkikh_andrey.jpg.webp?itok=EeYmxH3s)
Андрэй Рускіх / фота з сацсетак Андрэя Рускіх
Расійскі суд дазволіў экстрадаваць у Беларусь жыхара Оршы Андрэя Рускіх, пішуць праваабаронцы. Рускіх абвясцілі ў вышук гэтай вясной. Нагода — некалькі каментароў у месенджарах, якія кваліфікавалі як “распальванне сацыяльнай варожасці” і “абразу Лукашэнкі”. У Беларусі мужчыну пагражае да 7 год зняволення.
Раней да Расіі з просьбай не выдаваць беларуса звярнуўся Камітэт па правах чалавека ААН.
“Усе хадайніцтвы абароны аб прыпыненні вытворчасці [...] суд адхіліў”, — піша праваабаронца Раман Кісляк.
Паведамляецца, што суд згадаў, што яшчэ разглядаецца заява Андрэя аб прадастаўленні часовага прытулку і яго не могуць экстрадаваць да завяршэння працэдуры. Але ж Кісляк піша, што выканаўчыя ўлады могуць не звярнуць на гэта ўвагі.
Праваабаронцы рыхтуюць касацыю і плануюць звяртацца ў Канстытуцыйны Суд.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.