Заявы КДБ і РНЕ аб выкраданні актывістак Femen падобныя
Месцамі яны супадаюць слова ў слова.
“Нашы людзі іх не чапалі, як бы каму ні хацелася гэта ўявіць. Развіваецца найгрубейшая правакацыя, а вось мэта, характар і хто стаіць за гэтым — мы разбярэмся ў найбліжэйшы час”, -- адзначаецца ў абодвух паведамленнях для прэсы, піша “Наша Ніва”. Адзінае адрознінне ў заявах – гэта замена абрэвіятур. Замест КДБ – РНЕ.
Нагадаем, што актывісткі Femen, якія былі выкрадзеныя ў Мінску вечарам панядзелка, расказвалі, быццам іх выкрадальнікі называлі сябе удзельнікамі “Русского национального единства”.
