Сёння будуць судзіць за банер "Далоў цара Пуціна" на Краснай плошчы (відэа)
Акцыя прайшла 4 сакавіка каля Іверскай брамы ў расійскай сталіцы.
Маладыя людзі адзначылі ўгодкі прэзідэнцкіх выбараў 2012 года — яны прыкавалі сябе кайданкамі да жалезных кратаў і разгарнулі банер "Далоў цара Пуціна". Неўзабаве іх затрымалі.
Як паведамляе ў твітары лідар Левага фронту Сяргей Удальцоў, пасля складання пратаколаў аб правядзенні "няўзгодненага пікету", Кацярыну Мачалаву, Максіма Чаканава і Яўгена Жданава адпусцілі. Суд па іх адміністратыўнай справе пройдзе 15 сакавіка.
