Як будавалі мінскае метро (інфаграфіка, фота)
Новыя станцыі 2 разы адчынялі пад Новы год і 3 разы 7 лістапада, сёлета ў апошні момант вырашылі адчыніць на дзень раней.
Першая лінія мінскага метро была адчынена 30 чэрвеня 1984 года ад станцыі "Інстытут культуры" да "Валгаградскай" (цяпер "Маскоўская"). Апошнія станцыі Грушаўка, Міхалова і Пятроўшчына планавалася здаць яшчэ ў верасні, потым дата была перанесеная на 7 лістапада. Але ўрэшце было вырашана адыйсці ад амаль ужо традыцыі і адчыніць новыя станцыі 6 лістапада. Для пасажыраў новыя станцыі пачнуць працаваць толькі 7 лістапада.
У бліжэйшых перспектывах станцыя "Малінаўка" адкрыццё плануецца ў верасні 2013 года. За Малінаўкай да верасня 2014 плануюць пабудаваць станцыю "Шчомысліца".
У 2017 годзе плануюць запусціць першы ўчастак трэцяй лініі, якая у перспектыве звяжа Зялёны Луг з Курасоўшчынай. Спачатку яна будзе складацца з 7 станцый.
У вельмі далёкай перспектыве ёсць планы пабудаваць чацвёртую лінію, якая звяжа ўсе тры. Яна пройдзе ад плошчы Бангалор да Чыжоўкі праз "Акадэмію навук" і "Трактарны завод".
Будаўніцтва станцыі "Кастрычніцкая"
Станцыя "Купалаўская" побач з тэатрам Янкі Купалы
"Плошча Перамогі"
"Няміга"
"Кунцаўшчына"
"Уручча"
Фота: БелТА
