У расійскай Махачкале адбыліся два выбухі, ёсць ахвяры
Першы выбух у сталіцы Дагестана адбыўся каля 22 гадзін у чацвер 3 траўня.
Выбухоўка была закладзеная ў аўтамабіль ВАЗ каля паста дарожна-паставой службы на ўскраіне Махачкалы. Выбух пашкодзіў будынкі і прыпаркаваныя паблізу машыны, паведамляюць расійскія СМІ.
Праз 15 хвілінаў, калі да месца здарэння прыбылі паліцыянты і выратавальнікі, адбыўся другі выбух. Ад яго загінулі 12 чалавек — сем паліцыянтаў, тры выратавальнікі і два мясцовыя жыхары. З раненнямі рознай ступені цяжкасці шпіталізаваныя больш за 100 чалавек.
Паведамляецца, быццам спецыялісты знайшлі фрагменты целаў меркаваных смяротнікаў, якія падарвалі сябе.
Фота — rosukrinform.com