У Палаце прадстаўнікоў усе дэпутаты выступалі па-беларуску
15 лістапада абмяркоўваўся закон "Аб народным мастацтве, народных промыслах (рамёствах) у Рэспубліцы Беларусь".
Як паведамляе Радыё Свабода, усе шэсць дэпутатаў, якія ўдзельнічалі ў дыскусіі, выступалі на беларускай мове.
Зараз у Беларусі звыш 11 тысяч чалавек займаюцца народным мастацтвам і народнымі рамёствамі. Гэтую лічбу назваў намеснік міністра культуры Тадэвуш Стружэцкі. Ён выказаў меркаванне, што такіх майстроў хутка стане яшчэ больш.
Закон "Аб народным мастацтве" прынялі ў першым чытанні.
Фота — bymedia.net